杜如風帶團被插搵笨 萬四蚊坐廉航行程趕到甩轆

旅遊節目主持人杜如風拍咗一系列乜乜攻略旅遊節目後，即有旅行社搵上門叫佢帶團，仲聲稱以親民價$13,888遊九州四日，之不過畀皮幾嘢要人坐廉航仲要早機去早機返，三日內玩晒成個九州係咩玩法？

撰文：東方新地

圖片：縱橫遊

杜如風帶團 坐廉航早機返

睇節目見杜如風出埠喪買喪食好似好過癮咁，家陣有機會畀你跟佢去玩唔知你又制唔制？杜如風最近落力宣傳嚟緊復活節將會親自帶團到九州玩四日三夜，未計附加費齋團費盛惠萬四蚊，有得食有得玩仲有明星睇皮幾嘢似乎幾合理，不過有網民望真啲就發覺唔多對路囉！首先畀皮幾嘢要人坐廉航HK Express，除時delay嘥你半日都夠慘，仲要寫明11點45分飛機返港，即係朝早9點就要仆到機場，四日行程變相得番三日，好蝕抵啫！

由 New Media Group Digital Services Limited 提供

杜如風

跟杜如風去日本玩盛惠萬四蚊，抵唔抵則見人見智。

由 New Media Group Digital Services Limited 提供

杜如風

旅行社行程話四日三夜，但早機去早機返實情得番三日玩囉！

有網民質疑畀皮幾嘢團費仲要坐廉航，似乎食水幾深

由 New Media Group Digital Services Limited 提供

杜如風

匆匆三日行程由熊本去福崗，由南到北坐足幾粒鐘長途車，最後又要返熊本坐機返港，三日真係玩得晒成個九州？

趕頭趕命

餘下三日行程又點樣走？首先day 1直飛熊本行街觀光，夜晚就要坐2粒鐘JR到福崗，搭完機仲要捱長途車，攰到爆！第二日又坐2粒鐘車去由布院睇貓頭鷹兼去參觀神社，第三日又再返熊本睇海豚，第四日晨咁早就撇，行程平平無奇唔在講，趕到甩轆至攞命，玩得咁辛苦為乜？

由 New Media Group Digital Services Limited 提供

杜如風

太宰府

由 New Media Group Digital Services Limited 提供

杜如風

行程安排去太宰府神社、城下懷舊古街、KUMAMON廣場，呢啲地方唔使人帶都識去。

除時甩底

重點係sell杜小姐帶團，但行程表列明「若杜如風小姐因個人身體狀況或其他不能預見因素導致未能隨團，客人不能藉此退出，敬請見諒」及「杜如風小姐每日隨團之時間，以當日安排為準」，換言之如果杜如風no show冇得追究，每日隨團亮相幾耐佢話事，就算見得十分鐘你都吹佢唔脹，各位團友又點睇先？

由 New Media Group Digital Services Limited 提供

杜如風

杜如風話自己每次出埠都大出血，但今次呢團去睇貓頭鷹、海豚，未見有捐窿捐罅去shopping。

由 New Media Group Digital Services Limited 提供

杜如風

跟得杜如風梗係要潮買、潮食，坐遊艇賞海豚會唔會悶咗啲呢？！

由 New Media Group Digital Services Limited 提供

杜如風

有網民認為呢個星級團定喺3月29日玩到4月1日走，賞櫻花時間尚早，分分鐘櫻花都未開。

由 New Media Group Digital Services Limited 提供

杜如風

呢個團重點係有杜如風，但行程列明如果佢有咩頭暈身㷫可以除時甩底，帶團時間長短都由當事人話事，有網民話驚佢say個hi就走，都吹佢唔脹！

由 New Media Group Digital Services Limited 提供

杜如風

呢個就係今次杜如風帶嘅鴨仔團行程表，大家不妨參考嚇！