林子善35歲兩層樓揸手 秘訣一字記之曰：慳！
現今世代好多年青人都狂呻上車買樓係難事，但屋邨出身嘅林子善不但自己成功上車，仲買咗間村屋畀父母住，又借埋首期幫阿哥上車買樓，35歲已經係兩層樓嘅業主，唔使靠父幹，全因佢夠勤力兼慳家，不但經營冰室事事親力親為，平日連旅行都好少去，亦好少出街食飯，實行慳得一蚊得一蚊！
撰文：東方新地｜圖片：新傳媒圖片庫
林子善 上車買樓全靠慳
35歲林子善日前筵開63圍同老婆Kary補擺喜酒，今次婚禮豪花咗七位數字，林子善話儲錢都儲足兩年：「除咗無綫返工外，我出面都有『跑山』搵錢，慳啲使囉，結婚我唔會理賺定蝕！」
由 New Media Group Digital Services Limited 提供
由 New Media Group Digital Services Limited 提供
為慳錢 日日在家煮飯
其實除咗儲老婆本，林子善為買樓上車，亦係慳得就慳，佢話為咗努力儲錢，平日出入搭地鐵，好少去旅行，亦好少出街食飯：「我一個禮拜七日都喺屋企自己煮晚飯食，簡簡單單買棵菜就夠食幾日！」
由 New Media Group Digital Services Limited 提供
林子善
林子善為今次擺酒娶老婆豪使七位數字，儲錢都儲足兩年。
由 New Media Group Digital Services Limited 提供
林子善
林子善：出糧儲起七成做首期
林子善又寄語年輕人，如果想盡早上車，出糧時就要儲起七成做首期，並且要喺偏遠嘅新界地區入市：「我自己買嘅第一個單位，就係用零首期方式買入屯門嘅豫豐花園，喺未供完之前就轉手賺咗筆，之後就買咗依家間村屋。」佢又指自己有一個屯門情意結，所以搬來搬去都喺屯門。
由 New Media Group Digital Services Limited 提供
林子善
林子善寄語年輕人若想上車，最緊要係個「慳」字。
由 New Media Group Digital Services Limited 提供
林子善
親力親為 經營冰室
林子善在屯門屋邨長大，16歲跟周星馳入行，在《喜劇之王》飾演「洪爺」一角，少年得志，但後來周星馳同拍檔拆夥，林子善因此近三年完全冇工開、零收入，之後做過時裝店sales、夜場DJ，到08年獲黃子華引薦入無綫拍《奸人堅》，事業先開始好轉。2012年，林子善與拍檔夾份投資首間龍鳳冰室，事事都落手落腳親力親為，至今已開到四間分店。
由 New Media Group Digital Services Limited 提供
林子善
林子善經營龍鳳冰室事事都親力親為，入貨落單一腳踢，仲勤力過班伙計。
由 New Media Group Digital Services Limited 提供
林子善
林子善話因為試過有兩年冇工開，當時生活好慘也曾經捱過，所以如今事業有起色，對未來嘅事佢會諗得更周詳：「依家要照顧老婆，要諗得更長遠，諗定之後兩年目標係咩，我要努力搵錢買樓，同太太組織家庭，因為之前買樓畀父母，又幫阿哥上車買樓，依家終於可以為自己打算嚇！」
由 New Media Group Digital Services Limited 提供
林子善
買樓贈父母
原來林子善首次置業，係以零首期方式買入屯門豫豐花園一個200多萬元單位，佢將豫豐花園放租兩年，之後自住咗三年後放售，將賺到嘅錢買入屯門藍地一間三層高嘅村屋送畀父母居住，佢話當時樓價215萬元，畀咗六成首期，每月供款只需3,000多元，而佢自己就為咗睇住冰室嘅生意，曾經喺大坑租住單位。
由 New Media Group Digital Services Limited 提供
林子善
林子善話幫阿哥Kevin畀首期，係因為姪仔出世，所以佢想逼阿哥儲錢供樓，唔想佢再亂花錢。
義氣仔女幫阿哥上車
愛錫家人的子善，之後又借老婆本幫阿哥上車買樓，佢話：「兄弟一場，既然哥哥開到聲一定會幫，姪仔出世，哥哥同阿嫂又唔太識理財，長此落去會好危險，我需要為佢諗一諗，既然佢想上車，我就幫佢，連自己兄弟都唔幫就真係冇義氣！」真係義字行頭嘅好細佬！
由 New Media Group Digital Services Limited 提供
林子善
《果欄中的江湖大嫂》中蓆仔對棄婦惡人菊（甄詠珊飾）不離不棄，同現實中嘅林子善一樣咁情深義重。
由 New Media Group Digital Services Limited 提供
有子女或再換樓
除咗供緊買畀父母嘅村屋，林子善努力儲錢買愛巢，終於喺2015年買入咗東涌東環一個近300平方呎嘅一房單位，樓價逾400萬元，林子善畀咗27萬元印花稅，另由於壓力測試及職業問題，需要付出六成首期，佢大呻：「爲咗供兩層樓我出盡九牛二虎之力，依家係窮人！」唔緊要，依家有老婆同你一齊捱，值得嘅！子善又話婚後希望三年內造人成功，他日有小朋友或者到時換個更大嘅單位！
由 New Media Group Digital Services Limited 提供
由 New Media Group Digital Services Limited 提供
林子善