【逆緣】陳家樂曾捱多年辛酸：冇錢連飯都唔敢食！

陳家樂喺無綫熱播劇集《逆緣》裡面飾演103歲冷凍人「鍾定國」，演技大獲好評。劇集開播時就有網民大讚無綫今次搵陳家樂擔正做男主角之一做得好。而事實上，陳家樂亦度過了一段頗長的自我放棄嘅「冷凍時期」，他自爆曾因多年搵唔到錢要問身邊朋友借錢度日，為咗減省支出，甚至連飯都唔敢食。

流動新聞 news.modia.com.hk

陳家樂《逆緣》

陳家樂曾經演出過多個作品都沒有獲得關注。2003年參加歌唱比賽入行的陳家樂不經不覺已入行15年，不過期間大多都是拍電影為主，就算曾經在港台及HKTV拍過不少劇集，但始終沒有為他帶來知名度，而他上次為無綫拍劇已是10年前的《盛裝舞步愛作戰》。

流動新聞 news.modia.com.hk

陳家樂﹝微博圖﹞

陳家樂自爆當年自己係儲咗筆錢先參加《英皇新秀歌唱大賽》入行，開始時覺得筆錢都夠使，但冇諗過咁多年都搵唔到錢，嗰陣時真係想死，他不得不要問身邊朋友借錢度日。陳家樂說：「我最難堪係啲人以為我好風光，一出街啲人又覺得我係明星、藝人，但其實我連妝頭買衫錢都冇，連飯都唔敢食！」

流動新聞 news.modia.com.hk

余香凝﹝Instagram圖﹞

與余香凝拍拖兩年多

陳家樂入行以來緋聞不多，自2014年與拍拖十年的圈外女友Emily分手後，曾先後被傳戀上同公司的林欣彤及衛詩雅，更多次被拍得與衛詩雅蹺手搭膊行街。不過，2015年陳家樂與出演過《骨妹》的影壇新貴余香凝（Jennifer）被踢爆戀情，早前家樂接載女友回家時發生交通意外，余香凝面部受傷、鼻骨爆裂，家樂曾發表愛的宣言，願意照顧女友一生一世。

流動新聞 news.modia.com.hk

余香凝遇車禍後貼出臉部受傷照片﹝Facebook圖﹞

事業去年開始有轉機的陳家樂收入都多埋，早前他曾在受訪時坦言已有成家立室的打算。一來是因為身邊朋友都已擁有自己的家庭，二來他認為藝人也可以有常人的生活，但他認為經濟狀態暫時未容許。「我係演員，需要嘅係生活，可能會同公司立場唔同，但我需要感受世界，出街唔需要裝扮。」