【深宮計】太平公主惡鬥王皇后勾心鬥角致慘痛下場！-fafa01.com

流動新聞 news.modia.com.hk 圖︰太平公主於劇中大鬥王皇后，但最終下場慘痛！（網上圖片）

無綫重頭劇《宮心計2深宮計》，太平公主(陳煒飾)同王皇后(胡定欣飾)勾心鬥角、愈鬥愈烈！太平公主成日揶揄王皇后「冇仔生」，仲四齣搵靚女服侍唐玄宗(馬浚偉飾)；而太平公主雖然有7名子女，但因為自己起兵奪權，令子女逐一喪命；最後連佢最愛錫的親生仔，都唔肯救自己一命！

王皇后一直「膝下無子」，太平公主藉此原因向佢發動「攻擊」，仲用「美人計」希望令王皇后於後宮失勢！而歷史上，太平公主有兩任丈夫，佢同第一任丈夫薛紹育有2子2女、同第二任丈夫武攸暨再生下2子1女，個個都聰明絕頂。

其中，太平公主最愛鍚與第二任丈夫所生的次子薛崇簡，不過因為政治理念不同，二人經常出現分歧，太平公主更成日毒打薛崇簡，令兒子心生怨恨。最終太平公主因起兵奪權，令3子1女牽連斷命，只得薛崇簡與其同母異父妹妹武靈覺可保住性命。

流動新聞 news.modia.com.hk 圖︰太平公主最終都鬥唔過唐玄宗。（網上圖片）

太平公主「造反」，當然難逃一死；佢最後被侄子唐玄宗賜死於家中，結束50年人生。原本唐玄宗同薛崇簡兄弟情深，又係好朋友，太平公主都諗過叫薛崇簡向皇上求情；可惜薛崇簡對太平公主怨恨太深，唔肯代母求情，結果眼白白讓母親被賜死。

但由於薛崇簡始終係太平公主之子，唐玄宗賜佢姓李後，就送佢出宮，先去蒲州(浙江)，後貶到溪州(湖南)，最後於袁州(江西)病逝。妹妹武靈覺則被送到景福寺出家，法號威儀，至52歲去世。

太平公主於宮中勾心鬥角，更鬥到想謀朝篡位﹐最終自招慘痛下場！

流動新聞 news.modia.com.hk 圖︰太平公主於宮中勾心鬥角，更鬥到想謀朝篡位﹐最終自招慘痛下場。（網上圖片）