【很堅強】基層出身 住劏房公屋嘅明星有佢哋！

Elaine

       

24/5/2018

 

【無懼49+1】梁芷珊主動提離婚 與羅傑承「再見亦是家人」

 

案發時及時逃走保命 女保鏢兄長被指害死母親

流動新聞 news.modia.com.hk

圖︰文詠珊、李幸倪、朱晨麗有咩共通點？原來佢哋曾經都經歷過基層生活，一樣「很堅強」！（IG圖片）

文詠珊、李幸倪、朱晨麗有咩共通點？原來佢哋曾經都經歷過基層生活，一樣都係「很堅強」嘅藝人嚟！

金融風暴 文詠珊要住公屋

出生於中產家庭嘅文詠珊(JM)，面對家人因1997年金融風暴而財政緊張，要由私人屋苑搬到梨木樹邨公屋住。

JM喺14歲嘅時候就已經做「模」，而且迅即爆紅，到2014年，更獲太陽娛樂賞識，以高價俾佢簽約加盟！加上識到金融才俊男友吳啟楠，JM而家同男友住喺大埔比華利山豪宅，成功脫離公屋嘅生活！

來港發展 李幸倪、朱晨麗都住過劏房

歌都有得唱，「很堅強」嘅歌手Gin Lee(李幸倪)，因為由馬來西亞來港發展，曾經要住北角劏房，仲試過冇錢交租呀！

作為實力派嘅Gin Lee，喺2015年終於搵到俾佢發揮嘅舞台！喺第四季《中國好聲音》，Gin Lee嘅歌聲終於被人聽得到，佢仲轉投環球唱片，獲公司力捧，仲有得去紅館開演唱會！據悉，Gin Lee現以三萬幾蚊月租，入住港島區單位。

而生於江蘇蘇州嘅朱晨麗，16歲時以優才身份來港發展。當時為咗儲錢讀書，曾經要同同學一齊「住劏房」！憑住佢嘅努力，佢由零開始學好廣東話，更喺2011年參選港姐，奪冠入行！2017年，佢憑《超時空男臣》獲得「最佳女配角」殊榮。

朱晨麗日前就引用咗音樂家莫札特嘅名句發文，意思係︰「別人可以對待我(behave

to

me)，我也可以對待他們，如果有人瞧不起我或輕蔑的對待我，我也可以讓自己驕傲的像孔雀一樣。」據悉，朱晨麗曾經用15萬月租，入住金鐘服務式住宅，仲喺2014年用700萬買入將軍澳寓所。